Евангелие от Иоанна. ГЛАВА 5

ГЛАВА 5

По си́хъ [же] бѣ́ прáздникъ Иудéйскiй, и взы́де Иисýсъ во Иерусали́мъ.

Е́сть же во Иерусали́мѣхъ óвчая купѣ́ль, я́же глагóлется Еврéйски Виѳесдá, пя́ть притвóръ имýщи:

въ тѣ́хъ слежáше мнóжество боля́щихъ, слѣпы́хъ, хромы́хъ, сухи́хъ, чáющихъ движéнiя воды́:

áнгелъ бо Госпóдень на [вся́ко] лѣ́то схождáше въ купѣ́ль и возмущáше вóду: [и] и́же пéрвѣе влáзяше по возмущéнiи воды́, здрáвъ бывáше, яцѣ́мъ же недýгомъ одержи́мь бывáше.

Бѣ́ же тý нѣ́кiй человѣ́къ, три́десять и óсмь лѣ́тъ имы́й въ недýзѣ [своéмъ].

Сегó ви́дѣвъ Иисýсъ лежáща, и разумѣ́въ, я́ко мнóга лѣ́та ужé имя́ше [въ недýзѣ], глагóла емý: хóщеши ли цѣ́лъ бы́ти?

Отвѣщá емý недýжный: éй, Гóсподи, человѣ́ка не и́мамъ, да, егдá возмути́тся водá, ввéржетъ мя́ въ купѣ́ль: егдá же прихождý áзъ, и́нъ прéжде менé слáзитъ.

Глагóла емý Иисýсъ: востáни, возми́ óдръ твóй, и ходи́.

И áбiе здрáвъ бы́сть человѣ́къ: и взéмъ óдръ свóй, и хождáше. Бѣ́ же суббóта въ тóй дéнь.

Глагóлаху же жи́дове исцѣлѣ́вшему: суббóта éсть, и не достóитъ ти́ взя́ти одрá [твоегó].

О́нъ [же] отвѣщá и́мъ: и́же мя́ сотвори́ цѣ́ла, тóй мнѣ́ речé: возми́ óдръ твóй и ходи́.

Вопроси́ша же егó: ктó éсть человѣ́къ рекíи ти́: возми́ óдръ твóй и ходи́?

Исцѣлѣ́вый же не вѣ́дяше, ктó éсть: Иисýсъ бо уклони́ся, нарóду сýщу на мѣ́стѣ.

Потóмъ [же] обрѣ́те егó Иисýсъ въ цéркви, и речé емý: сé здрáвъ éси: ктомý не согрѣшáй, да не гóрше ти́ чтó бýдетъ.

И́де [же] человѣ́къ, и повѣ́да Иудéомъ, я́ко Иисýсъ éсть, и́же мя́ сотвори́ цѣ́ла.

И сегó рáди гоня́ху Иисýса Иудéе, и искáху егó уби́ти, занé сiя́ творя́ше въ суббóту.

Иисýсъ же отвѣщáваше и́мъ: Отéцъ мóй досéлѣ дѣ́лаетъ, и áзъ дѣ́лаю.

И сегó рáди пáче искáху егó Иудéе уби́ти, я́ко не тóкмо разоря́ше суббóту, но и Отцá своегó глагóлаше Бóга, рáвенъ ся́ творя́ Бóгу.

Отвѣщá же Иисýсъ и речé и́мъ: ами́нь, ами́нь глагóлю вáмъ, не мóжетъ Сы́нъ твори́ти о себѣ́ ничесóже, áще не éже ви́дитъ Отцá творя́ща: я́же бо óнъ твори́тъ, сiя́ и Сы́нъ тáкожде твóритъ.

Отéцъ бо лю́битъ Сы́на, и вся́ показýетъ емý, я́же сáмъ твори́тъ: и бóлша си́хъ покáжетъ емý дѣлá, да вы́ чудитéся.

Я́коже бо Отéцъ воскрешáетъ мéртвыя и живи́тъ, тáко и Сы́нъ, и́хже хóщетъ, живи́тъ.

Отéцъ бо не сýдитъ ни комýже, но сýдъ вéсь дадé сы́нови,

да вси́ чтýтъ Сы́на, я́коже чтýтъ Отцá. [А] и́же не чти́тъ Сы́на, не чти́тъ Отцá послáвшаго егó.

Ами́нь, ами́нь глагóлю вáмъ, я́ко слýшаяй словесé моегó и вѣ́руяй послáвшему мя́ и́мать живóтъ вѣ́чный, и на сýдъ не прiи́детъ, но преи́детъ от смéрти въ живóтъ.

Ами́нь, ами́нь глагóлю вáмъ, я́ко грядéтъ чáсъ, и ны́нѣ éсть, егдá мéртвiи услы́шатъ глáсъ Сы́на Бóжiя, и услы́шавше оживýтъ.

Я́коже бо Отéцъ и́мать живóтъ въ себѣ́, тáко дадé и сы́нови живóтъ имѣ́ти въ себѣ́

и о́бласть дадé емý и сýдъ твори́ти, я́ко Сы́нъ человѣ́чь éсть.

Не диви́теся семý: я́ко грядéтъ чáсъ, въ óньже вси́ сýщiи во гробѣ́хъ услы́шатъ глáсъ Сы́на Бóжiя,

и изы́дутъ сотвóршiи благáя въ воскрешéнiе животá, а сотвóршiи злáя въ воскрешéнiе судá.

Не могý áзъ о себѣ́ твори́ти ничесóже. Я́коже слы́шу, суждý, и сýдъ мóй прáведенъ éсть, я́ко не ищý вóли моея́, но вóли послáвшаго мя́ Отцá.

А́ще áзъ свидѣ́телствую о мнѣ́, свидѣ́телство моé нѣ́сть и́стинно:

и́нъ éсть свидѣ́телствуяй о мнѣ́, и вѣ́мъ, я́ко и́стинно éсть свидѣ́телство, éже свидѣ́телствуетъ о мнѣ́:

вы́ послáсте ко Иоáнну, и свидѣ́телствова о и́стинѣ.

А́зъ же не от человѣ́ка свидѣ́телства прiéмлю, но сiя́ глагóлю, да вы́ спасéни бýдете.

О́нъ бѣ́ свѣти́лникъ горя́ и свѣтя́: вы́ же восхотѣ́сте воз­рáдоватися въ чáсъ свѣтѣ́нiя егó.

А́зъ же и́мамъ свидѣ́телство бóлѣе Иоáннова: дѣлá бо, я́же дадé мнѣ́ Отéцъ, да совершý я́, тá дѣлá, я́же áзъ творю́, свидѣ́телствуютъ о мнѣ́, я́ко Отéцъ мя́ послá.

И послáвый мя́ Отéцъ сáмъ свидѣ́телствова о мнѣ́. Ни глáса егó нигдѣ́же слы́шасте, ни видѣ́нiя егó ви́дѣсте,

и словесé егó не и́мате пребывáюща въ вáсъ, занé, егóже тóй послá, семý вы́ вѣ́ры не éмлете.

Испытáйте писáнiй, я́ко вы́ мнитé въ ни́хъ имѣ́ти живóтъ вѣ́чный: и тá сýть свидѣ́телствующая о мнѣ́.

И не хóщете прiити́ ко мнѣ́, да живóтъ и́мате.

Слáвы от человѣ́къ не прiéмлю,

но разумѣ́хъ вы́, я́ко любвé Бóжiя не и́мате въ себѣ́.

А́зъ прiидóхъ во и́мя Отцá моегó, и не прiéмлете менé: áще и́нъ прiи́детъ во и́мя своé, тогó прiéмлете.

Кáко вы́ мóжете вѣ́ровати, слáву дрýгъ от дрýга прiéмлюще, и слáвы, я́же от еди́наго Бóга, не и́щете?

Не мни́те, я́ко áзъ на вы́ рекý ко Отцý: éсть, и́же на вы́ глагóлетъ, Моисéй, нáньже вы́ уповáете.

А́ще бо бы́сте вѣ́ровали Моисéови, вѣ́ровали бы́сте [ýбо и] мнѣ́: о мнѣ́ бо тóй писá.

А́ще ли тогó писáниемъ не вѣ́руете, кáко мои́мъ глагóломъ вѣ́ру и́мете?

.

1После сего был праздник Иудейский, и пришел Иисус в Иерусалим.

2Есть же в Иерусалиме у Овечьих ворот купальня, называемая по-еврейски Вифезда*, при которой было пять крытых ходов.

3В них лежало великое множество больных, слепых, хромых, иссохших, ожидающих движения воды,

4ибо Ангел Господень по временам сходил в купальню и возмущал воду, и кто первый входил в нее по возмущении воды, тот выздоравливал, какою бы ни был одержим болезнью.

5Тут был человек, находившийся в болезни тридцать восемь лет.

6Иисус, увидев его лежащего и узнав, что он лежит уже долгое время, говорит ему: хочешь ли быть здоров?

7Больной отвечал Ему: так, Господи; но не имею человека, который опустил бы меня в купальню, когда возмутится вода; когда же я прихожу, другой уже сходит прежде меня.

8Иисус говорит ему: встань, возьми постель твою и ходи.

9И он тотчас выздоровел, и взял постель свою и пошел. Было же это в день субботний.

10Посему Иудеи говорили исцеленному: сегодня суббота; не должно тебе брать постели.

11Он отвечал им: Кто меня исцелил, Тот мне сказал: возьми постель твою и ходи.

12Его спросили: кто Тот Человек, Который сказал тебе: возьми постель твою и ходи?

13Исцеленный же не знал, кто Он, ибо Иисус скрылся в народе, бывшем на том месте.

14Потом Иисус встретил его в храме и сказал ему: вот, ты выздоровел; не греши больше, чтобы не случилось с тобою чего хуже.

15Человек сей пошел и объявил Иудеям, что исцеливший его есть Иисус.

16И стали Иудеи гнать Иисуса и искали убить Его за то, что Он делал такие дела в субботу.

17Иисус же говорил им: Отец Мой доныне делает, и Я делаю.

18И еще более искали убить Его Иудеи за то, что Он не только нарушал субботу, но и Отцем Своим называл Бога, делая Себя равным Богу.

19На это Иисус сказал: истинно, истинно говорю вам: Сын ничего не может творить Сам от Себя, если не увидит Отца творящего: ибо, что творит Он, то и Сын творит также.

20Ибо Отец любит Сына и показывает Ему все, что творит Сам; и покажет Ему дела больше сих, так что вы удивитесь.

21Ибо, как Отец воскрешает мертвых и оживляет, так и Сын оживляет, кого хочет.

22Ибо Отец и не судит никого, но весь суд отдал Сыну,

23дабы все чтили Сына, как чтут Отца. Кто не чтит Сына, тот не чтит и Отца, пославшего Его.

24Истинно, истинно говорю вам: слушающий слово Мое и верующий в Пославшего Меня имеет жизнь вечную, и на суд не приходит, но перешел от смерти в жизнь.

25Истинно, истинно говорю вам: наступает время, и настало уже, когда мертвые услышат глас Сына Божия и, услышав, оживут.

26Ибо, как Отец имеет жизнь в Самом Себе, так и Сыну дал иметь жизнь в Самом Себе.

27И дал Ему власть производить и суд, потому что Он есть Сын Человеческий.

28Не дивитесь сему; ибо наступает время, в которое все, находящиеся в гробах, услышат глас Сына Божия;

29и изыдут творившие добро в воскресение жизни, а делавшие зло — в воскресение осуждения.

30Я ничего не могу творить Сам от Себя. || Как слышу, так и сужу, и суд Мой праведен; ибо не ищу Моей воли, но воли пославшего Меня Отца.

31Если Я свидетельствую Сам о Себе, то свидетельство Мое не есть истинно.

32Есть другой, свидетельствующий о Мне; и Я знаю, что истинно то свидетельство, которым он свидетельствует о Мне.

33Вы посылали к Иоанну, и он засвидетельствовал об истине.

34Впрочем Я не от человека принимаю свидетельство, но говорю это для того, чтобы вы спаслись.

35Он был светильник, горящий и светящий; а вы хотели малое время порадоваться при свете его.

36Я же имею свидетельство больше Иоаннова: ибо дела, которые Отец дал Мне совершить, самые дела сии, Мною творимые, свидетельствуют о Мне, что Отец послал Меня.

37И пославший Меня Отец Сам засвидетельствовал о Мне. А вы ни гласа Его никогда не слышали, ни лица Его не видели;

38и не имеете слова Его пребывающего в вас, потому что вы не веруете Тому, Которого Он послал.

39Исследуйте Писания, ибо вы думаете чрез них иметь жизнь вечную; а они свидетельствуют о Мне.

40Но вы не хотите прийти ко Мне, чтобы иметь жизнь.

41Не принимаю славы от человеков,

42но знаю вас: вы не имеете в себе любви к Богу.

43Я пришел во имя Отца Моего, и не принимаете Меня; а если иной придет во имя свое, его примете.

44Как вы можете веровать, когда друг от друга принимаете славу, а славы, которая от Единого Бога, не ищете?

45Не думайте, что Я буду обвинять вас пред Отцем: есть на вас обвинитель Моисей, на которого вы уповаете.

46Ибо если бы вы верили Моисею, то поверили бы и Мне, потому что он писал о Мне.

47Если же его писаниям не верите, как поверите Моим словам?





Внимание, только СЕГОДНЯ!